Më shkruhen sonte vargje patetike
me gjëmba brenda,
pupula krahësh dhe petale trëndafilash
copra ëndrash
të thyera dhe gjurmë të gjakosura .
Më shkruhen sonte vargje patetike
pa pathos metafora të
ngrira dhe mure…
Të abortuara nga një muze
dështake nën qiell të hapur
sepse kujtonte se femija mund të mbahet në bark përjetë.
Më shkruhen sonte vargje patetike
me bisqe
dashurish nga brymë e ndarjes tharë…
vjeshtë nga flokët e zverdhura të hequra zvarrë…
parqe ku
drurët e dhimbjes kryqëzohen…
A ka vallë më patetike në ketë botë
se varret
kolektive ku varrosen
bebet e palindura, krahët, degët, gjethet e verdha, puplat,
copëzat,
bisqet e thyera, trëndafilat dhe gjurmët e
përgjakura?* pathetic - Arousing pity, esp. through vulnerability or sadness.
- Miserably inadequate.
5 comments:
Shume dhimbje kjo poezi, kamomila!
parqe ku drurët e dhimbjes kryqëzohen…- kjo do te shkonte bukur si perkufizmim i jetes
Dhimbja eshte pjese e jetes i/e panjohur. Madje nje ndjesi fisnike do te thoja :)
Faleminderit per komentin dhe vleresimin.
I just love it Kamomile! Love it!
Faleminderit e dashur Henez
Post a Comment