Është natë…
Mendimet janë ushqimi
i qeve që flenë në grazhd…
dhe truri ripërtyp dëshirat e pakryera.
…………………………………………………
Do ringjallemi… ta dish!
Në tjetër kohë në të tjerë trupa
në po këtë botë të egër, të mundimshme, të paditur
si dënim, këtu mes njerëzve
në këtë botë; mbështjellë akoma me egon
që nuk e mposhtëm dot për së pari…
njëri tjetrin verbërisht
do kërkojmë përsëri, këtu
në udhët që nuk mundëm
së bashku t’i shkelnim…
………………………………………………………
Do ringjallemi dhe do rikërkohemi
Ta dish!
deri sa të gjehemi
si dy pikat fundore të një segmenti
që ethshëm dëshiron të bëhet rreth.
©M.P.
No comments:
Post a Comment